طيب لو الأم مش بتنفذ حكم الرؤيه هل فى حل أو إجراء قانونى ممكن يحصل … ؟؟
● بص ياسيدى القانون اتكلم عن الجزء ووضع عقوبات معينه على عدم تنفيذ حكم الرؤيه … نذكر منها
١ – فى حالة عدم تنفيذ حكم الرؤيه ولو لمرة واحده بدون عذر قانونى يحق للاب أو لمن صدر له حكم الرؤيه مثل الأجداد أقامه دعوى سقوط حضانه ونقلها لمن يليها فى الترتيب او طلب ضم الصغير مع الاحتفاظ بحقه فى طلب التعويض والذى يتمثل فى تعويض مادى أو ادبى …
٢ – أقامه جنحه عدم تنفيذ حكم الرؤيه استنادا لنص الماده 292 من قانون العقوبات وتصل العقوبه فيها إلى الحبس او الغرامه ودى بتكون اسرع لانها جنائيه يعنى بالكتير شهر ونص وتاخد حكم وطبعا بيكون فيها تعويض …
#ملحوظه … مش شرط يكون حكم الرؤيه صادر للاب أو الجد او الجده فقط لا ممكن حكم الرؤيه كمان يكون صادر لصالح الأم … لأن القانون نص على أنه وإن سقط حق الأم فى الحضانه فلا يسقط معه حقها فى طلب الرؤيه